孫子就人人都聽過呢個名,咁佢有咩成就,個名可以留芳百世,甚至洋人都識佢個名呢?

孫子被譽為兵聖,即係佢既專業就係軍事上,翻查履歷,此君成世人只係打過一場仗,就係率領吳軍攻克楚國首都郢!楚國一時陷入無政府狀態。


打一場仗,又僥倖得勝,咁就做左兵聖嗎?
由於年代久遠,都唔係好知吳楚係乜東東,試將成2000年前既事拉番近小小…

即係閣下帶住非洲某一小國既兵,將美國陸軍擊潰,佔領華盛頓,如果係咁,就真係不得了啦!簡直係無可能!

而2000年既孫武夥拍吳王闔閭、伍子胥就係咁成功締造歷史!


2000年以黎,大把勁人打仗叻啦,做乜得佢叫兵聖呢?

因為佢寫左本書叫《孫子兵法》,就係用呢本《孫子兵法》作為爭取成為吳國將軍,吳王未見其人,先見其著作,再面試,以宮女為題,要佢將宮女練成有組織隊伍,佢又成功通過左,最後吳王拜將,由孫武統領全軍。

求其寫本書(好似得幾千粒字)就做左高官?
一個人能唔能夠建功立業,才幹係基本,孫子年輕時,受智慧老人指點,請佢去戾氣,沉穩踏實,好好疏理所學,日後有大用…就係咁,佢隱居起來,千錘百鍊,砌左幾千粒字出黎,偶有法則下,佢既貴人出現,佢就係伍子胥,當時吳王身邊紅人,睇左佢幾千粒字,多次考察,覺得呢個人靠得住,就推薦比吳王闔閭。


要發圍就拿拿聲寫本兵書?
未必,市場與個人個性找出切合點先得!孫子其人本身係貴族,自小研習兵書,家族亦係將門虎子,而佢所寫既《孫子兵法》既目標讀者就係當時既國君(所以就咁睇本兵法,平平無奇,因為唔響話到事既層次,常常面對挑戰與競爭角力,識晒啲內容,都用唔番出黎,好快忘記)

時代已變,帶領非洲某一小國佔領華盛頓,就顯得脫節及不設實際;帶領小米完勝Apple可能較切於現實。

咁點先揾到個人個性與市場切入點呢?
原本想寫最喜歡的結尾:待續…今次改一改,見附圖(英偉男既另一張)

#孫子兵法 孫武 兵聖

#著書立說 貴人 Apple 小米 華盛頓

#了不起的未來筆記術 小西利行

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s